ABŞ-ly alymlar infragyzyl şöhle bilen işjeňleşdirilen titreýän molekulalary ulanyp, rak öýjükleriniň 99%-ini ýok etdiler. Bu barada gazeta.ru habar berýär.
Täze usul rak keselinde biologiki dokumalary reňklemek üçin ulanylýan aminosianin boýaglaryna esaslanýar. Alymlar infragyzyl ýagtylyk bilen şöhlelenende aminosianin molekulalarynyň çalt we sinhron şekilde titremäge başlaýandygyny, rak öýjükleriniň membranasyny mehaniki taýdan ýarýandygyny görkezdiler. Laboratoriýada ösdürilen rak öýjükleri boýunça geçirilen synaglarda bu usul öýjükleriň 99%-ini ýok etdi. Şeýle hem melanoma (deri rak keseli) bolan syçanlarda synag edildi: haýwanlaryň ýarysyna golaýy rak keselinden gutuldy.
Ýakyn infragyzyl şöhläni ulanmak aminosianinleriň ýene bir möhüm aýratynlygydyr, sebäbi ol bedeniň çuň dokumalaryna aralaşyp bilýär. Alymlar bu usulyň süňkleriň we içki organlaryň rak keselini operasiýa etmezden bejermek mümkinçiligini döretmegine garaşýarlar.
