Russiýa 2024-nji ýylyň 1-nji ýanwaryndan Garaşsyz Döwletleriň Arkalaşygynda başlyklyk edip başlady. Guramada başlyklyk Gyrgyzystandan Russiýa geçdi.
Öň, RF-niň Prezidenti Wladimir Putin ykdysady gurşawda ýurduň özara hasaplaşyklarda milli walýutalara has işjeň geçmek boýunça işleri dowam etdirmegi göz öňünde tutýandygyny aýtdy.
Şeýle-de, ol GDA ýurtlarynyň terrorçylyga we ekstremizme, serhetüsti jenaýatçylyga we neşe serişdeleriniň bikanun dolanyşygyna, korrupsiýa garşy göreşde bilelikdäki işleriniň möhümdigini belledi.
Bulardan başga-da, Russiýa medeni-ynsanperwer gatnaşyklary giňeltmäge, saglygy goraýyş, ylym, bilim we sport pudagynda hyzmatdaşlyga ünsi jemlär.
