TmCars: Täze ýylyňyz gutly bolsun!

  • 31.12.2023 20:52
  • 22k+
TmCars: Täze ýylyňyz gutly bolsun!

Ýyl boýy dürli ugurlarda zähmet çekýän, dürli ugurlarda okaýan watandaşlarymyzy bereketli bir saçagyň — bir saýtyň başyna jemlemegi başaran TmCars-yň döredijilik topary şu şatlykly pursatlarda Sizi we siziň maşgalaňyzy, ähli halkymyzy Täze 2024-nji ýyl bilen tüýs ýürekden gutlaýar! Özüňize, öý-ojagyňyza, maşgalaňyza hem-de ulus-ilimize hemişe saglyk, agzybirlik, abraý arzuw edýäris! Täze ýyl ählimiz üçin ähli gowulyklaryň, şowlulyklaryň, rowaçlyklaryň hem-de il-halk ähmiýetli beýik başlangyçlaryň ýyly bolsun!

Ynam, ygtybarlylyk, hil we döredijilikli çemeleşme — saýtymyzyň esasy aýratynlyklarynyň biri bolup durýar. Ildeşlerimize hyzmat etmekde döwrebap ösüşiň derwaýys ugurlaryny, kämil çemeleşmeleri, sanly ulgamyň mümkinçiliklerini ýerlikli peýdalanmaga çalyşýarys. Saýtymyzyň agzalarynyň we okyjylarynyň ynamy bizi has-da döredijilikli we jogapkärçilikli işlemäge ruhlandyrýar. Geljekde hem saýtymyzyň mümkinçiliklerini peýdalanyp, okyjy auditoriýamyzy artdyrmak, dürli hyzmatlary hödürlemek bilen adamlaryň arasyndaky baglanyşygy güýçlendirmek, birek-birege ýakynlaşdyrmak, täze mümkinçilikleri ýola goýmak üçin yhlas etjekdigimize ynandyrýarys.
Türkmen müçenamasyna görä 2024-nji ýyl balyk ýyly, luw ýyly. Bu ýylyň aýratynlyklary, özüne mahsus häsiýetleri hakda gadymy mirasymyzda maglumatlar bar. Ýeri gelende ýatlasak müçe ýyllarynyň arasynda iň köp söhbet edilýäni balyk ýylydyr.
Balyk ynsana iň ýokumly iýmit bolan haýwandyr, şonuň üçin bu ýyl bolçulygyň, tükeniksiz haýryň, saglygyň, aman-asudalygyň ýyly hasap edilýär.
Balyk suwda ýaşaýan janly-jandarlara degişli. Şundan ugur alyp balyk ýylynda ýagyş-ýagmyryň juda köp ýagýandygy, bereketiň artýandygy nygtalýar.
Balyk adamyň pälini, niýetini duýup bilýän, syzgyr haýwan hasap edilýär. Ýagşy niýet bilen ýönelseň, ýanyňa gelýändigi, ýüregiňde zerre ýamanlyk saklasaň, senden uzaklaşýandygy nygtalýar. Bu ynsaba görä ykbal tapylýan ýyldyr. Şonuň üçinem balyk ýyly barlyk ýyly, baýlyk ýyly hasaplanylýar. Goý, biziň ykbalymyzda ähli arzuwlarymyzy hasyl edýän altyn balyklar – altyn pursatlar hemişelik orun alsyn!
TmCars ýene bir gezek Sizi we siziň maşgalaňyzy, ähli türkmen halkyny Täze 2024-nji ýyl bilen tüýs ýürekden gutlaýar! Goý, täze ýyl rysgally, bereketli, döwletli we düşümli ýyl bolsun! Il-ýurt we özüňiz üçin beslän asylly arzuw-hyýallaryňyz, beýik umytlara ýugrulan ýagşy dileg-dogalaryňyz hasyl bolsun! Kalbymyzyň töründäki bagt hakdaky arzuwlar ykbalymyza ýaýylsyn! Ähli babatda şowly we toýly ýyl bolsun! Gowy ýyllardanam has gowy ýyl bolsun!

Hemişe TmCars bilen galyň!

şu gün 21:56
0

Türkmenistanda ýylyň iň gowy sürüjileri yglan edildi

Aşgabatda Jemgyýetçilik guramalarynyň merkezinde 26-njy noýabrda bellenilip geçilýän Bütindünýä durnukly ulag gününe bagyşlanyp, dabaraly mejlis geçirildi. Dabaranyň çäklerinde ýolagçy hem ýük awtoulaglaryň sürüjileriniň...

şu gün 21:54
0

Gruziýada türkmen kinosynyň günleri geçirilýär

22-24-nji noýabrda Tbilisi şäherinde Türkmenistanyň Gruziýadaky ilçihanasy bilen Gruziýanyň kino akademiýasynyň bilelikde guramagynda Türkmen kinosynyň günleri geçirilýär. Bu barada ilçihananyň metbugat gullugy...

şu gün 20:47
985

Er-Riýadda 92 müň orunlyk stadion gurulýar. Tomaşaçylar onuň üçeginde gezelenç edip bilerler

Saud Arabystanynyň paýtagty Er-Riýadda patyşa Salmanyň adyny göterjek stadionyň gurluşygy yglan edildi. 92 000 adamlyk kuwwatly täze desgany 2029-njy ýyla çenli tamamlanmak meýilleşdirilýär. Onuň dizaýny Las-Wegasdaky...

şu gün 20:26
2k+

Dubaýda rekord 300 kg-den gowrak agramly altyn tokgasy ýasaldy

Dubaýyň Emirates Minting Factory kompaniýasy agramy 300 kg-den gowrak bolan dünýäde iň uly altyn tokgasyny ýasap, Ginnesiň rekordlar kitabyndan orun aldy. Bu barada emirligiň hökümetiniň metbugat gullugy habar...