SpaceX amerikan kompaniýasy B1058 seriýa belgili köp gezeklik Falcon 9 raketasynyň birinji basgançagyny ýitirdi. Enjam rekord bolan 19 uçuryşy we Ýere gaýdyp gelşi amala aşyrdy, ýöne ol daşama wagty ýykylmagy netijesinde doly diýen ýaly ýumruldy.
Report agentliginiň habar bermegine görä, waka baradaky habar SpaceX-iň X sosial ulgamyndaky resmi akkauntynda peýda boldy.
Waka 25-nji dekabrda bolup geçdi. Iki gün öň B1058-iň basgançagy 23 sany Starlink hemrasy uçurylandan soň Floridanyň kenaryndaky SpaceX Just Read the Instructions awtonom ýüzýän platformasyna asuda gondy. Ýöne kenara tarap ýolda robotlaşdyrylan gämi kiçiräk tupana duçar boldy we netijede Falcon 9 platforma ýykylyp, ep-esli zyýan çekdi.
SpaceX-iň Falcon programmasy boýunça wise-prezidenti Jon Edwards X sosial ulgamynda heläkçilik ýagdaýynda abat galan Merlin raketa hereketlendirijilerini dikeltmegi wada berýän ýazgyny ýerleşdirdi. Ol kompaniýanyň enjamyň nähak ýitmegine ýol bermejekdigini belledi.
SpaceX 3,5 ýylyň içinde B1058-iň iki astronawty we umumy agramy 260 tonna töweregi bolan 860-dan gowrak hemrany orbita çykarandygyny belleýär.
