2023-nji ýylyň netijelerini jemlemegiň çäklerinde konsol we kompýuter oýunlary hakda köp zat aýdyldy, ýöne oýun pudagynyň ykjam segmenti welin üns berilmän galdy.
Data.ai seljeriş gullugy ykjam oýunlaryň düşewüntliligini seljerdi we haýsy taslamanyň iň köp girdeji getirýändigini kesgitledi.
Köp ýyllaryň dowamynda Candy Crush franşizasynyň oýunlary girdejililikde öňdebaryjydy, ýöne bu ýyl oňa güýçli bäsdeş peýda boldy. Dream Games studiýasynyň çykaran Royal Match kelle döwme oýny girdeji taýdan birinji ýeri eýeledi - 2023-nji ýylda ol işläp düzüjilere iki milliard dollardan gowrak girdeji getirdi! Mundan başga-da, Royal Match-yň işjeň oýunçylarynyň sany aýda 55 million adam, Candy Crush Saga-nyňky bolsa - 160 million adam.
Ilkinji üçlüge meşhur Monopoliýa GO ykjam oýunlary: Family Board Game we Coin Master girdi. Emma Candy Crush Saga bu ýyl bäşinji ýere düşdi.
