Türkmenistanyň Prezidenti Kuraş boýunça dünýä çempionatynda altyn medal alan türgenlere awtoulag sowgat berdi

  • 28.12.2023 09:03
  • 53k+

Prezident Serdar Berdimuhamedow 2023-nji ýylda Aşgabat şäherinde geçirilen Kuraş boýunça dünýä çempionatynda ýokary netijeleri görkezen ýurdumyzyň türgenleri we tälimçi-mugallymlary awtoulaglar bilen sylaglady.

Türkmenistanyň Prezidentiniň gol çeken Kararyna laýyklykda,

  • Bedenterbiýe we sport baradaky döwlet komitetiniň Türkmenistanyň Ýokary sport ussatlygy mekdebiniň kuraş görnüşi boýunça tälimçi-mugallymy Dörtguly Tejenowa sport ýaryşlarynda ýeňiji bolup, baýrakly orunlary eýelän türgenleri taýýarlandygyny göz öňünde tutup, 2023-nji ýylda öndürilen, ak reňkli «Toyota Camry V6» kysymly ýeňil awtoulagy;
  • Bedenterbiýe we sport baradaky döwlet komitetiniň Lebap welaýat Bedenterbiýe we sport baradaky baş müdirliginiň Türkmenabat şäherindäki 7-nji sport mekdebiniň tälimçi-mugallymy Şirin Permanowna Kubaýewa sport ýaryşlarynda ýeňiji bolup, baýrakly orunlary eýelän türgenleri taýýarlandygyny göz öňünde tutup, 2023-nji ýylda öndürilen, ak reňkli «Toyota Camry V6» kysymly ýeňil awtoulagy;
  • Goranmak ministrliginiň Lebap welaýat Raýat goranyşy we halas ediş işleri müdirliginiň Adatdan daşary ýagdaýlary hasaba almak, seljermek, çaklamak we raýat goranyşynyň çärelerini meýilleşdirmek bölümçesiniň uly hünärmeni Wepa Ýadigarowiç Awlýakulyýewe 2023-nji ýylda Aşgabat şäherinde Kuraş boýunça geçirilen dünýä çempionatynda 60 kilograma çenli agramda çykyş edip, 1-nji orna we altyn medala mynasyp bolandygyny göz öňünde tutup, 2023-nji ýylda öndürilen, ak reňkli «Toyota Fortuner SR5» jip kysymly awtoulagy;
  • Bilim ministrliginiň Lebap welaýatynyň Kerki etrabyndaky 22-nji orta mekdebiniň bedenterbiýe mugallymy Daýanç Bagtyýarowiç Omirowa 2023-nji ýylda Aşgabat şäherinde Kuraş boýunça geçirilen dünýä çempionatynda 81 kilograma çenli agramda çykyş edip, 1-nji orna we altyn medala mynasyp bolandygyny göz öňünde tutup, 2023-nji ýylda öndürilen, ak reňkli «Toyota Fortuner SR5» jip kysymly awtoulagy;
  • Bedenterbiýe we sport baradaky döwlet komitetiniň Lebap welaýat Bedenterbiýe we sport baradaky baş müdirliginiň Türkmenabat şäherindäki 10-njy sport mekdebiniň tälimçi-mugallymy Dinara Rozykulowna Rozykulowa 2023-nji ýylda Aşgabat şäherinde Kuraş boýunça geçirilen dünýä çempionatynda 63 kilograma çenli agramda çykyş edip, 1-nji orna we altyn medala mynasyp bolandygyny göz öňünde tutup, 2023-nji ýylda öndürilen, ak reňkli «Toyota Fortuner SR5» jip kysymly awtoulagy;
  • Bedenterbiýe we sport baradaky döwlet komitetiniň Lebap welaýat Bedenterbiýe we sport baradaky baş müdirliginiň Dänew etrabyndaky 1-nji sport mekdebiniň dzýudo göreşi boýunça tälimçi-mugallymy Mariýa Walerýewna Lohowa 2023-nji ýylda Aşgabat şäherinde Kuraş boýunça geçirilen dünýä çempionatynda 70 kilograma çenli agramda çykyş edip, 1-nji orna we altyn medala mynasyp bolandygyny göz öňünde tutup, 2023-nji ýylda öndürilen, ak reňkli «Toyota Fortuner SR5» jip kysymly awtoulagy;
  • Bilim ministrliginiň Lebap welaýatynyň Türkmenabat şäherindäki 29-njy orta mekdebiniň 11-nji synp okuwçysy Sabina Ruslanowna Kadyrowa 2023-nji ýylda Aşgabat şäherinde Kuraş boýunça geçirilen dünýä çempionatynda 78 kilograma çenli agramda çykyş edip, 1-nji orna we altyn medala mynasyp bolandygyny göz öňünde tutup, 2023-nji ýylda öndürilen, ak reňkli «Toyota Fortuner SR5» jip kysymly awtoulagy sowgat berildi.

25.06.2025 16:41
16k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

23.06.2025 01:08
6.2k+

Türkmen karateçileri Bişkekde Merkezi Aziýanyň çempionatynda 12 medal gazandylar

Türkmenistanly karateçiler Bişkek şäherinde geçirilýän Merkezi Aziýanyň WKF karate boýunça 10-njy çempionatynda jemi 12 medal gazandylar. Bu barada Türkmenistanyň karate-do federasiýasy habar berdi. Ýaryşa Gazagystan, Gyrgyzystan, Täjigistan, Türkmenistan we Özbegistandan gelen 609 türgen gatnaşýar...

22.06.2025 17:38
6k+

Türkmen türgenleri Wýetnamda Aziýanyň çempionatynda dört medal gaznadylar

pälwanlary Wýetnamyň Wungtau şäherinde geçirilýän ýaşlaryň arasyndaky Aziýa çempionatynda (23 ýaşa çenli) dört medal gazandy. Türkmen türgenleri erkin göreş boýunça bir kümüş we iki bürünç medal eýelemegi başardylar...

21.06.2025 02:42
21k+

Abdulla Babaýew Fight Nights-yň ýaryşynda garşydaşyny demikdiriji usul bilen ýeňdi

Garyşyk söweş sungatynyň türkmenistanly wekili Abdulla Babaýew halkara ýaryşlarynda üstünlikli çykyşlaryny dowam edýär. Bu gezek ol Ulýanowskide (Russiýa) geçirilen Fight Nights ýaryşynda russiýaly garşydaşy Habib Guseýnowdan üstün çykdy...