Samsung Galaxy S24 smartfonlarynyň aýratynlyklary mälim edildi

  • 24.12.2023 14:53
  • 23k+

Internetde «Samsung» kompaniýasynyň «Galaxy S24» seriýasyna degişli yglan edilmedik flagman smartfonlarynyň ähli aýratynlyklaryny görkezýän resmi prezentasiýasy peýda boldy.

Şeýlelik bilen, «Galaxy S24» FHD+ durulygy we 2600 nite çenli ýagtylygy bolan 6,2 dýuýmlyk AMOLED ekran bilen üpjün ediler. «Galaxy S24+» bolsa QHD+ durulygy we şol derejedäki ýagtylygy bolan 6,7 dýuýmlyk AMOLED matrisa eýe bolar. «Galaxy S24 Ultra-nyň» ekrany «Galaxy S24+-yň » ekranyndan diňe diagonaly boýunça tapawutlanýar: 6,7 dýuým däl-de 6,8 dýuým.
«Galaxy S24» we «Galaxy S24+» 50 megapiksellik esasy kamera, «Galaxy S24 Ultra» bolsa 200 megapiksellik esasy kamera bilen enjamlaşdyrylar. Üç smartfonyň hemmesi 8K durulykda wideo ýazgyny goldaýar. «Galaxy S24» we «Galaxy S24+» optiki ýakynlaşdyrmagyň 2x we 3x basgançagy bolan telefotokamera bilen üpjün ediler. Iň ýokary sanly zum 30x bolar. «Galaxy S24 Ultra» smartfonynda bolsa optiki ýakynlaşdyrmagyň dört basgançagy bolar: 2x, 3x, 5x we 10x. Iň ýokary sanly zum – 100x.
«Galaxy S24», «Galaxy S24+» we «Galaxy S24 Ultra», degişlilikde, 8 GB, 12 GB we 12 GB operatiw ýada eýe bolarlar. «Galaxy S24» 128 GB-dan 256 GB-a çenli, «Galaxy S24+» we «Galaxy S24 Ultra» 256 GB-dan 512 GB-a çenli goşmaça ýat bilen üpjün ediler. Üç smartfon hem «Snapdragon 8 Gen 3» prosessory bilen işlär.
«Galaxy S24», «Galaxy S24+» we «Galaxy S24 Ultra» smartfonlarynyň akkumulýatorlarynyň sygymy, degişlilikde, 4000 mA/s, 4900 mA/s we 5000 mA/s bolar. «Galaxy S24» 30 minutda 0-dan 50%-e çenli, «Galaxy S24+» we «Galaxy S24 Ultra» bolsa 30 minutda 0-dan 65% -e çenli çalt zarýad alar.
Üç smartfonyň hemmesi IP68 standartyna laýyklykda, çyglylykdan we tozandan gorag ulgamyna eýedir. Öz gezeginde, diňe «Galaxy S24 Ultra» titan çarçuwa eýe bolar. «Galaxy S24» we «Galaxy S24+» güýçlendirilen alýuminiýden öndüriler.
«Galaxy S24» neslini 2024-nji ýylyň 17-nji ýanwarynda tanyşdyrmak meýilleşdirilýär. Enjamlaryň bahalary şol gün aýan ediler.


03.10.2025 17:05
3.9k+

Samsung 80 dollardan Galaxy M07 smartfonyny satyp başlady: Helio G99 prosessory we 5000 mA/sag batareýa

Samsung kompaniýasy uly bildiriş etmezden käbir ýurtlarda Galaxy M07 smartfonynyň satuwyna başlady. Aýratynlyklary boýunça ol öň çykan Galaxy A07 4G-ni doly diýen ýaly gaýtalaýar. Täze smartfon durulygy 1600×720 piksel we täzelenme ýygylygy 90 Gs bolan suwuk kristal ekranyna eýe boldy...

30.09.2025 17:04
2.9k+

Eplenýän smartfonlaryň bazarynda Huawei-niň paýy 48%-e ýetdi. Samsung ornuny ýitirýär

Birnäçe ýyl ozal Samsung çeýe ekranly smartfonlaryň segmentinde öňdebaryjy hasaplanýardy. Kompaniýa şeýle smartfonlary uly göwrümli mahabat kampaniýalary arkaly işjeň ösdürýärdi. Netijede, onuň bazardaky orny sarsmajak ýalydy...

23.09.2025 19:07
10k+

iPhone 17 Pro Max batareýasynyň işleme wagty boýunça Samsung Galaxy S25 Ultra-dan öňe geçdi

iPhone 17 Pro Max akkumulýatordan işleýiş wagty boýunça iň gowy netijäni görkezdi diýip, Mrwhosetheboss portalynyň geçiren testleri tassyklaýar. Deňeşdirme synaglarynda Samsung Galaxy S25 Ultra 11 sagat 58 minut işlän bolsa, iPhone 17 Pro Max doly 13 sagat işledi...

22.09.2025 18:31
7.5k+

Samsung 199 ýewrodan Galaxy A17 4G smartfonyny çykardy

Samsung kompaniýasy resmi taýdan Galaxy A17 4G smartfonyny hödürledi. Ol köp babatda Galaxy A17 5G modelini gaýtalaýar, ýöne arzan – Ýewropada baha 199 ýewrodan başlaýar. Täze smartfonda esasy üns köp modeller üçin adaty parametrlere gönükdirildi: uly displeý, sygymly batareýa we döwrebap kamera toplumy...