«Çeburaşka» baradaky maşgala filminiň dowamy 2025-nji ýylyň 31-nji dekabrynda çykar. Bu barada «Holop 2» filminiň ilkinji görkezilişinde mälim edildi diýip, TASS habar berýär.
Çäre başlamazdan ozal «Çeburaşka» atly kiçi göwrümli tanyşdyryş filmi görkezildi we onuň 2025-nji ýylyň 31-nji dekabrynda çykjakdygy mälim edildi. Filmiň prodýuseri Eduard Iloýan onuň täze ýyla sowgat boljakdygyny aýtdy.
«Çeburaşka» filmi 1-nji ýanwarda Russiýanyň kinoteatrlarynda çykdy we ýurduň prokatynyň taryhynda iň köp girdeji gazanan film boldy. Film kassa ýygymlary boýunça rekordyň öňki eýesinden – Klim Şipenkonyň 2019-njy ýylda 3,082 milliard rubl gazanan «Holop» filminden hem öňe geçdi.
Alty ýaşdan uly tomaşaçylar üçin niýetlenen maşgala komediýasy Çeburaşkanyň deňziň ýakasyndaky kiçijik şäherçedäki başdangeçirmeleri barada gürrüň berýär. Ol bu ýere uzak apelsinli ýurtdan gelýär.
