Maraýi Keriniň «All I Want For Christmas Is You» aýdymy «Billboard-yň» sanawynda bäş senenama ýyly bäri 1-nji ýeri eýeläp gelýän taryhdaky ilkinji aýdym boldy diýip, Bilboard.com habar berdi. Ol 2019, 2020, 2021, 2022-nji ýyllarda öňdeligi eýeledi we şu ýylda hem 1-nji boldy.
Bu aýdym ilkibaşda 1994-nji ýylyň noýabr aýynda «Merry Christmas» albomynda peýda bolupdy, ýöne her ýyl Täze ýyl aýdymlarynyň sanawynda çykýardy. Ahyrsoňy, 2017-nji ýylda ilkinji gezek «Hot 100-de» iň gowy 10-luga girdi. Indiki ýylda bolsa ilkinji bäşlige girdi.
«Bu aýdymy ýazanymda, onuň soňra bütin dünýä nähili täsir etjekdigini göz öňüne-de getirmändim. Her ýyl şeýle köp adamyň meniň bilen birlikde bu aýdymdan lezzet alýandygy üçin minnetdarlygymy bildirýärin» diýip, Keriniň özi beren interwýularynyň birinde belläp geçdi.
