«Lego» kompaniýasy «Alagaraňkylyk» filmleriniň we amerikan ýazyjysy Stefani Maýeriň adybir romanyň esasynda konstruktor oýnawaçlarynyň toplumyny çykarjakdygyny yglan etdi. Ol «Lego Ideas First 2023» bäsleşiginiň halanan taslamalarynyň biri boldy we ýakyn wagtda çykar.
Toplum Kallenler maşgalasynyň jaýyny, «Lego» kubiklerinden ýasalan möjegi we baş gahrymanlaryň – Bellanyň, Edwardyň, Karlaýlyň hem-de Jeýkobyň şekillerini öz içine alýar.
Toplumyň dizaýny Nik Maýkls tarapyndan döredildi. Ol daniýaly öndürijä wampirler hakyndaky filmiň esasynda konstruktor oýnawaçlarynyň toplumyny döretmegi teklip etdi. Bu pikir kompaniýanyň ýolbaşçylygynda-da, 10 müň ulanyjynyň arasynda-da goldaw tapdy (taslamany durmuşa geçirmek üçin onuň «Lego Ideas» web sahypasynda şonça gezek halanylmagy – laýk almagy zerurdyr).
