Braziliýanyň milli ýygyndy toparynyň hüjümçisi Neýmar 2024-nji ýylda geçiriljek Amerikanyň kubogynda oýnamaz. Bu barada milli ýygyndynyň lukmany Lasmar habar berdi, onuň teswirini Radio 98 dykgatymyza ýetirýär.
Saud Arabystanynyň Al-Hilýal toparynda oýnaýan Neýmar oktýabr aýynyň ortalarynda şikes alypdy. Oňa öňdäki haç şekilli bognuň we meniskiň ýyrtylmagy kesel kesgidi goýuldy.
Lasmar: "Entek ir, dikeldiş ädimlerini taşlap, reabilitasiýa kursuna howlukmagyň manysy ýok. Awgust aýynda gutularyna garaşýarys" -diýdi.
Amerikanyň kubogy 20-nji iýundan 14-nji iýul aralygynda geçiriler. Braziliýanyň milli ýygyndy topary Kolumbiýanyň, Paragwaýyň toparlary, şeýle hem Kosta Rikanyň we Gondurasyň toparlarynyň arasyndaky pleý-off oýunlarynyň ýeňijisi bilen toparçada oýnar.
Neýmar 31 ýaşynda, 2017-nji ýylda 222 million ýewro dünýä futboly üçin rekord goýup Ispaniýanyň “Barselona”-syndan fransuz “PSŽ”-syna geçdi.
Braziliýanyň milli ýygyndysynyň düzüminde Neýmar 128 oýun oýnady we 79 pökgi geçirdi. Gollarynyň sany boýunça ol milli ýygyndynyň rekordçysy hasaplanýar. 2023-nji ýylyň awgust aýynda braziliýaly oýunçy “Al-Hilýala” geçdi.
