“Variety” neşiri 2023-nji ýylyň iň gowy gorkunç filmlerini saýlady. Bu žanrda iň gowy film “Skinamarink” boldy diýip, gazeta.ru belleýär.
Bu Kaýl Edward Bollyň ilkinji doly metražly filmidir. Ol lentany çagalyk öýünde 15 000 dollara surata düşürdi. Filmde režissýor ulalmagyň özüne mahsus gorkusyny bermäge synanyşypdyr.
Ýene bir iň gowy gorkunç film doganlar Denni bilen Maýkl Filippunyň “Meniň bilen gürleş” filmidir. Film ýetginjek gyz Mia (Sofi Uaýld) barada gürrüň berýär. Esasy waka ýaş oglan-gyzlaryň oturylyşygynda ölen adamlary o dünýäden çagyrmak oýny bilen başlanýar. Mia öz aradan çykan ejesi bilen habarlaşmak isleýär, ýöne netije elhenç bolýar.
Şeýle-de, neşir “Byçgy 10” (“Saw”), “M3GAN”, “Näsag”, “Bekkiniň gazaby”, “Dogluş/täzeden dogluş”, “Kaýutanyň kakylmasy”, “Illýuziýa adasy”, “Garalamak”, “Gykylyk VI” (“Scream VI”), “Bruklin 45” ýaly filmleri belledi.
