Timoti Şalameniň baş keşbi janlandyrmagynda «Wonka» atly fentezi-mýuzikl filmi Amerikanyň prokatynda birinji orny eýeledi.
Ilkinji dynç güni filmiň kassa ýygymy 39 milliona ýetdi, Roald Dalyň filminiň tomaşaçylarynyň 51 göterimi zenanlar boldy. Bu «Dýuna» filminden soň (41 million dollar) Şalameniň gatnaşmagynda iň köp girdeji gazanan ikinji filmdir.
«Açlyk oýunlary: saýrak guşlar we ýylanlar hakynda ballada» atly fantastiki antiutopiýa filmi 5,8 million dollar bilen ikinji orny eýeledi.
Üçünji orny Haýao Miýadzakiniň «Oglanjyk we guş» atly multfilmi eýeledi. Filmiň umumy girdejisi 23,1 million dollara ýetse-de, geçen hepdäniň ahyrynda onuň girdejisi 5,1 million dollara deň boldy. Dördünji orunda 4,9 million dollar bilen «Godzilla: Minus bir» filmi barýar.
4 million dollar bilen ilkinji bäşligi «Trolllar 3» multfilmi jemleýär. Häzirki güne çenli onuň umumy girdejisi 88,7 million dollara ýetdi.
«Wonka» filmi «Willi Wonka we şokolad fabrigi» filminiň prikwelidir. Onda ýaş Willi Wonka we onuň ajaýyp şokolad fabrigini açmazdan ozal başdan geçirenleri hakda gürrüň berilýär.
