Beýik Britaniýada geçirilen auksionda dünýäde köpçülikleýin öndürilen ilkinji ýasama Roždestwo arçalarynyň biri satyldy. Ol 1920-nji ýylda alty pensa satyn alyndy, auksiondan bolsa 3400 funt sterlingden gowrak pula satyldy diýip, MIR 24 habar berýär.
Agajyň beýikligi 79 santimetr bolup, onuň 25 şahasy, 12 miwesi we alty sany kiçi şemdany bar. Arça bezeg nyşanly gyzyl agaç böleginde oturdylan. Grant maşgalasynda ol 103 ýyl mundan ozal peýda boldy, onuň ilkinji eýesi 101 ýaşynda aradan çykýança bu arçany bezän sekiz ýaşly Doroti Grantdy. 2014-nji ýylda arçany Dorotiniň gyzy – 84 ýaşly Şirli Holl miras aldy. Ol ejesiniň hormatyny hatyralamak we maşgala mirasynyň abatlygyny üpjün etmek üçin arçany satmak isledi.
Ilkibaşda bu arça 60-80 funt sterlinge satylar diýlip garaşylypdy, ýöne söwda wagty onuň bahasy 3411 funt sterlinge çenli ýokarlandy diýip, “The Guardian” neşiri ýazýar.
