Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Kuweýt Döwletiniň Emiri Şeýh Mişal Al-Ahmad Al-Jaber Al-Sabaha Onuň Alyjenaby Kuweýt Döwletiniň Emiri Şeýh Nawaf Al-Ahmed Al-Jaber Al-Sabahyň aradan çykmagy zerarly gynanç hatyny iberdi.
Hatda bellenilişi ýaly, Şeýh Nawaf Al-Ahmed Al-Jaber Al-Sabah köp ýyllaryň dowamynda dürli wezipelerde işlemek bilen, Kuweýt Döwletiniň ösmegine uly goşant goşdy.
“Goý, Gudraty güýçli Allatagala şu agyr pursatda Size we maşgala agzalaryňyza ruhy durnuklylyk hem-de sabyrlylyk bersin” diýip, Gahryman Arkadagymyz dileg etdi we merhumyň maşgala agzalaryna we ýakynlaryna, şeýle hem Kuweýt Döwletiniň ähli halkyna ýürekden duýgudaşlyk sözlerini beýan etdi.
Şeýh Nawaf 16-njy dekabrda 86 ýaşynda aradan çykdy. Bu barada Kuweýtiň döwlet telewideniýesi habar berdi. Kuweýtiň Konstitusiýasyna laýylykda, emir aradan çykandan soň, tagt awtomatik ýagdaýda mirasdüşer şazada geçýär. Mirasdüşer şazada — 83 ýaşly Şeýh Mişal Al-Ahmad Al-Jaber Al-Sabah. Täze tagta geçen emir bir ýylyň içinde özüne mirasdüşer bellemeli.
