Apple enjamlaryňy özbaşdak abatlamak maksatnamasyny giňeltdi

  • 14.12.2023 16:49
  • 4.7k+

Apple kompaniýasy Ýewropada we ABŞ-da enjamyňy özbaşdak abatlamak programmasynyň giňeldilendigini habar berdi. Indi iPhone 15 seriýaly ähli modelleriň we Apple M2 çipleri bolan Mac kompýuterleriniň, şol sanda 14 we 16 dýuýmlyk MacBook Pro-nyň, 15 dýuýmlyk MacBook Air-niň, Mac mini-niň, Mac Pro-nyň we Mac Studio-nyň ulanyjylary enjamlaryny özleri bejerip bilerler.

Şeýle hem, Apple özbaşdak abatlaýyş işleriniň häzirki wagtda Horwatiýa, Daniýa, Gresiýa, Niderlandlar, Portugaliýa we Şweýsariýa ýaly, ýene 24 sany Ýewropa ýurtlarynda ulanyjylar üçin elýeterlidigini mälim etdi. Şunuň bilen birlikde Self Service Repair häzirki wagtda 33 ýurtda we 24 dilde Apple-iň 35 sany önümini öz içine alýar.
Mundan başga-da, iPhone-y we Mac-y özbaşdak diagnostika etmek üçin Apple Diagnostics hyzmaty ABŞ-da elýeterli boldy we 2024-nji ýylda Ýewropada satuwa çykarylar. Ozal Apple Diagnostics-e diňe ygtyýarly hyzmat merkezleri girip bilýärdi.


22.06.2025 18:11
4k+

Ajaýyp, arman peýdasyz: tehnohöwesjeň Nintendo Switch-i iň haýal iPhone-a öwürdi

PatRyk lakamly tehnologiýa höwesjeňi Nintendo Switch oýun konsolynda iOS mobil operasion ulgamyny işe girizmegi başardy. Taslama synag maksatly geçirildi – ulgam, takmynan, 20 minutda ýüklenýär we ähli goşundylar dessine ýalňyşlyk ýüze çykyp ýapylýar diýip, «Tom’s Hardware» neşiri ýazýar...

20.06.2025 17:12
1.7k+

Apple 2027-nji ýyla çenli sagatlara gandaky şekeriň derejesini ölçemek funksiýasyny goşar

Apple 2027-nji ýyla çenli Apple Watch sagatlaryna ganyň düzümindäki glýukozanyň derejesini ölçemek funksiýasyny goşmagy meýilleşdirýär. Bu barada GF Securities analitigi Jeff Pu salgylanyp, Appleinsider neşiri habar berýär...

10.02.2025 22:05
1.8k+

«Edil Pixar-yňky ýaly»: Apple täsin robot-çyrasyny görkezdi

Apple kompaniýasynyň robototehnika bölümi «Lýukso-körpe» (Люксо-младший) multfilmindäki çyrany ýada salýan robotyň nusgalyk modelini görkezdi. Bu barada «Apple Machine Learning Research» web sahypasynda habar berilýär...

07.02.2025 18:41
13k+

iPhone 16 Pro bilen Samsung Galaxy S25 Ultra iş ýüzünde deňeşdirildi

Samsung Galaxy S25 Ultra we iPhone 16 Pro smartfonlary emeli aňyň kömegi bilen taýýar suratlardan obýektleri aýyrmak mümkinçiligine eýe boldy. Samsung-da bu funksiýa öňki nesil smartfonlarynda peýda bolupdy, Samsung...