«Altyn globus – 2024» baýragyna dalaşgärler yglan edildi. Iň köp ugurda Greta Gerwigiň «Barbi» filmi hödürlendi (film dokuz baýrak kategoriýasynda dalaşgär görkezildi), Kristofer Nolanyň «Oppengeýmer» filmi sekiz ugur boýunça dalaşgärlige hödürlendi.
«Iň gowy film (drama)» kategoriýasynda «Oppengeýmer», «Gülli Aýyň ganhorlary», «Maestro», «Öňki durmuşlar», «Ýykylmagyň anatomiýasy» we «Gyzyklanma zolagy» ýaly filmler dalaşgär görkezildi. «Iň gowy film (komediýa ýa-da mýuzikl)» kategoriýasynda «Barbi», «Görgüli betbagtlar», «Amerikan eseri», «Galdyrylanlar», «Maý, dekabr», «Air: Uly böküş» filmleri ýeňiş ugrunda bäsleşerler.
«Drama filminde iň gowy aktýor» ugry boýunça Bredli Kuper («Maestro»), Killian Merfi («Oppengeýmer»), Leonardo Di Kaprio («Gülli Aýyň ganhorlary»), Kolman Domingo («Rastin»), Endrýu Skott bar («Biziň hemmämiz nätanyş») we Hoakuin Feniks («Napoleon») dalaşgärlige hödürlendiler.
Şol ugur boýunça aktrisalaryň arasynda Lili Gladston («Gülli Aýyň ganhorlary»), Keri Malligan («Maestro»), Sandra Hýuller («Ýykylmagyň anatomiýasy»), Keýli Speni («Prissilla»), Annett Bening («Daýana Naýed») we Greta Li («Öňki durmuşlar») ýeňiş ugrunda bäsleşerler.
Baýrak gowşurylyş dabarasy 2024-nji ýylyň 7-nji ýanwarynda geçiriler.
