«Time» žurnaly aýdymçy Teýlor Swifti «ýylyň adamsy” diýip yglan etdi. Ol bu reýtingde RF-iň prezidenti Wladimir Putinden, HHR-iň prezidenti Si Szinpinden we Barbiden öňe geçdi diýip, RIA Nowosti habar berýär.
Birnäçe Gremmi baýragynyň eýesi bolan aýdymçy “ajaýyp ýyly başdan geçirdi” diýip, reýtingiň guramaçylary belleýär. Swift häzirki wagtda eýýäm zenan ýerine ýetiriji üçin iň girdejili gastrol syýahatyna öwrülen “Eras tour” global syýahatyny alyp barýar. Oktýabr aýynda ekrana çykan adybir film taryhda iň girdejili konsert filmi boldy. Maglumatlara görä, Teýloryň özi aýdymynyň üsti bilen milliard dollardan gowrak girdeji gazanan taryhda ilkinji aýdymçy boldy.
Teýlor “Time” žurnalynyň reýtinginde ilkinji gezek birinji orny eýeledi, ýöne onuň bu žurnalyň daş ýüzünde peýda bolmagy ilkinji gezek däldir. 2017-nji ýylda aýdymçy onda zenanlara garşy zorluklar bilen göreşijileriň umumy keşbinde görkezildi.
