Londonda 2024-nji ýylyň Pirelli senenamasy resmi taýdan görkezildi. Ony afrikaly suratçy Şazada Gaýazi surata düşürdi. Täze neşiriň mowzugy «Wagtdan üzňe» düşünjesi boldy.
Senenama, awtoryň pikiriçe, durmuşda öz yzyny galdyran we ykbalyna geljekki nesillere ylham bermek paýy düşen adamlara bagyşlanýar. Bularyň arasynda amerikaly aktrisa Anžela Bassett, ýazyjy zenan Margot Li Şetterli, şahyr zenan Amanda Gorman, ganaly häzirki zaman suratkeşi Amoako Boafo, model Naomi Kempbell, aktýor, režissýor, dijeý we prodýuser Idris Elba, aktrisa Tiwa Sewij, ýazyjy, režissýor we prodýuser Jeýms Semýuel, öňki futbolçy Marsel Desaýi, aýdymçy, suratkeş we aktrisa Teýana Teýlor bar.
Şazada Gaýazi Pirelli senenamasynyň 39-njy awtory we olaryň arasynda iň ýaşlaryndan biri boldy. Suratlary açyk reňklere we ýiti gapma-garşylyklara baý. Senenamanyň özi şu ýyl goşa ýubileýini belleýär: ilkinji neşiriň çap edilenine 60 ýyl dolýar we tutuş taryhynda 50-nji neşir (senenama birnäçe ýyllap çap edilmedi).
Öňki, 49-njy Pirelli senenamasy awstraliýaly suratçy Emma Sammerton tarapyndan düşürildi.
