2023-nji ýylda “Ýylyň toý suratçysy” halkara bäsleşigi ýedinji gezek geçirildi. Şu ýyl çärä dünýäniň dürli künjeginden 300-den gowrak adam gatnaşdy we olar 11 kategoriýada 1700-den gowrak surat hödürlediler.
Birinji orny bagtly toý jübüdiniň suraty üçin Kanadadan Taru Lilli eýeledi. Bu suratyň aýratynlygy, ýeňiji suraty redaktirlemek üçin Photoshop ýaly grafiki redaktorlardan peýdalanmandyr, gelniň kellesindäki guş düşürilen surata tehnologiýalaryň kömegi bilen berkidilen däl-de, janlydyr.
Ýagny, suratda toý edýän Mikaela bilen Fitç Kanadadaky Uistler daglarynda dur. Mitçiň kasam aýdýan wagty Mikaelanyň kellesine bir guşjagaz gonýar we ony hatda gyzyň gülküsi-de gorkuzmaýar.
Alty emin agzasynyň biriniň we 2022-nji ýylda bäsleşigiň ýeňijisiniň aýtmagyna görä, suratçy tötänleýin duşuşygy örän gowy surata düşüripdir: “Ol gyz şadyýan, şähdiňi göteriji we seredeniňde ýylgyrmaga mejbur edýär. Arassa filtrlenmedik emosiýalar bar, garaşylmadyk wakadan geň galma bar”.
Tara Lilli baýrak hökmünde üç müň ABŞ dollaryny we bäsleşigiň hemaýatkärlerinden ýörite baýraklary alar.
Ikinji orny ýaşlaryň örän ajaýyp suraty bilen italiýaly suratçy Karmelo Uççino eýeledi. Suratda ýokardan suw dökülýän wagty ilkinji toý tansyny ýerine ýetirýän jübüt görünýär.
