Klimatologlar şu gyşyň rekord derejede maýyl boljakdygyny çaklaýarlar. Ähtimallyk — 95%

  • 04.12.2023 12:31
  • 27k+

Hytaýly klimatologlar 2023-2024-nji ýyllaryň gyş paslynyň Ýeriň ortaça temperaturasynyň iň ýokary rekordyny goýjakdygyny, soňky onýyllyklaryň dowamynda ortaça görkezijiden bir dereje Selsiýa ýokary boljakdygyny 95% ähtimallyk bilen anykladylar. Bu barada Hytaýyň Ylymlar akademiýasynyň Atmosfera fizikasy institutynyň metbugat gullugy geçen anna güni habar berdi.

"Alymlar tarapyndan geçirilen hasaplamalar Ýewraziýanyň orta giňişliklerinde we Täze Dünýäniň köp böleginde temperaturanyň ýokary boljakdygyny görkezýär. Şol bir wagtyň özünde, Ýer togalagynyň umumy temperaturasynyň 2023-2024-nji ýyllaryň gyşynda täze rekord goýjakdygynyň 95% ähtimallygy bar. Aýratynam Hytaýda howanyň temperaturasy has-da ýokarlanar, ýurtda 1991-nji ýyldan bäri iň maýyl gyş bolar” - diýip, habarda aýdylýar.

Pekindäki Hytaý Ylymlar akademiýasynyň Atmosfera fizikasy institutynyň dosenti Çžen Feýanyň ýolbaşçylygyndaky hytaý klimatologlarynyň topary tarapyndan, howa gözegçilikleriň taryhynda häzirlikçe iň yssy hasaplanýan soňky ýylda planetanyň howasynyň nähili üýtgändigini öwrenilip, bu açyş edildi. Klimatologlaryň häzirki berýän bahalaryna görä, soňky 12 aýyň dowamynda temperatura XX asyryň başlary üçin adaty görkezijilerden Selsiýa boýunça 1,25 dereje we ondanam ýokary boldy.
Alymlar bu rekord görkezijileriň diňe bir antropogen ählumumy maýyllaşmanyň tizleşmegi bilen bagly bolman, eýsem, El-Ninýo howa hadysasynyň güýçlenmegi bilen hem baglanyşyklydygyny çaklaýarlar. Feýiň we onuň kärdeşleriniň anyklaýşy ýaly,  bu agzalan hadysa üç dürli global klimat modelini ulanyp, 2023-2024-nji ýyllaryň gyşynyň rekord derejede maýyl boljagynyň ähtimallygyny 95% eder.


03.06.2025 13:29
8.2k+

Ýaponiýada iş ýerlerindäki yssy howa şertleri sebäpli, kompaniýalara jerime salnar

Ýaponiýada 1-nji iýundan başlap, iş berijileri aşa yssy howa şertlerinde işgärleriniň howpsuzlygyny üpjün etmäge borçly edýän täze düzgünler güýje girdi. Bu barada «Bloomberg» agentligi habar berýär. Täze düzgünlere görä, talaplary ýerine ýetirmeýän kompaniýalara 500 müň ýena (takmynan, 3475 dollara) çenli jerime salnar...

26.05.2025 23:33
12k+

Türkmenistanda hepdelik howa maglumaty (26.05 - 01.06)

Türkmenistanyň Gidrometeorologiýa baradaky gullugy ýurdumyzda şu hepdäniň dowamynda boljak howanyň ýagdaýy barada "Türkmenistan" gazetinde maglumat berdi. Aşgabatda az-kem bulutly, hepdäniň başynda üýtgäp durýan bulutly howa bolup, demirgazyk-günbatardan gündogara ugruny üýtgedýän, tizligi sekuntda 10 — 12 metrden 13 — 15 metre ýetýän şemal öwser...

26.05.2025 17:07
3.2k+

Microsoft takyk howa çaklamalary üçin Aurora EA modelini hödürledi

Microsoft howany çaklamak üçin niýetlenen täze Aurora EA modelini hödürledi. Modeliň iş netijeleri bilen gözleg Nature žurnalynda neşir edildi. Fiziki deňlemelere esaslanýan adaty usullardan tapawutlylykda Aurora diňe arhiw maglumatlary bilen okadyldy...

05.05.2025 08:57
9.7k+

Howa maglumaty: +41 gradusa çenli yssy, hepdäniň ortasynda ýagyş

Türkmenistanyň Gidrometeorologiýa baradaky gullugy ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda üýtgäp durýan bulutly howa bolup, hepdäniň ortasynda ýagyş ýagar. Gündogardan demirgazyk-günbatara ugruny üýtgedýän, tizligi sekuntda 10 — 13 metrden 14 — 16 metre ýetýän şemal öwser...