Täze Zelandiýanyň häkimiýetleri ýurduň ähli umumy bilim berýän mekdeplerinde ykjam telefonlaryň ulanylmagyny doly gadagan etmekçi bolýarlar. Bu barada onuň premýer-ministri Kristofer Laksona salgylanyp, TASS habar berýär.
“Biz Täze Zelandiýadaky mekdeplerde ykjam telefonlary gadagan etmekçi bolýarys. Bu bilimde örän gowy netijeleri berýän öňden bäri bar bolan tejribe” – diýip, Lakson žurnalistleriň öňünde eden çykyşynda aýtdy we ýurtdaky käbir mekdepleriň şeýle karary eýýäm özbaşdak kabul edendiklerini we “gowy netijäni görendiklerini” belledi.
Şeýle-de, Lakson ýurduň täze hökümetiniň “mekdepleri okuwçylaryň akademiki üstünliklerine gönükdirýän hökmany bilim ülňülerini girizmekçidigini” habar berdi we jyns terbiýesi boýunça mekdep maksatnamasyna täzeden serediljekdigini” aýtdy. “Bize hünärmenler tarapyndan ylalaşylan we mazmunynyň çaganyň ýaşyna laýyklygyny kepillendirýän okuw maksatnamasy gerek. Şeýle-de, ene-atalaryň hem bu barada bilmegi we şeýle okuwdan ýüz öwürmek mümkinçiligine eýe bolmagy-da möhümdir” – diýip, ol aýtdy.
Täze Zelandiýada parlament saýlawlary 14-nji oktýabrda geçirildi. Olaryň netijesi boýunça, has köp ses alan Milli partiýa (TZMP) ýurduň täze hökümetini döretdi. Onuň ýolbaşçysy Täze Zelandiýanyň 42-nji premýer-ministri bolan TZMP-niň lideri Lakson boldy.
