«Samsung» kompaniýasy «Windows» bilen işleýän kompýuterler üçin hususy internet-brauzerini çykardy.
«Windows» üçin niýetlenen «Samsung Internet» «Google Chrome» we «Microsoft Edge» ýaly brauzerlerden açylan we ýatda saklanan sahypalary, gözleg taryhyny import etmäge mümkinçilik berýär. Mundan başga-da, «Samsung-yň» brauzeri mahabat bloklaýjysy, gizlinlik režimi, ýagty we garaňky temalar, şeýle hem giňeltmeler üçin goldaw bilen üpjün edildi.
«Samsung Internet» brauzeri «Chromium-a» esaslanýar, şonuň üçin ony «Chrome-da» we «Edge-de» işleýän giňeltmeler hem-de sazlamalar bilen utgaşdyrmak mümkindir. Şeýle-de bolsa, häzirki wagtda «Samsung Internet» «Google Chrome» internet dükanyndaky ähli giňeltmeleri goldamaýar.
Bellenilmegine görä, «Windows» üçin niýetlenen «Samsung Internet» entek beýle bir gowy işlemeýär – sahypa haýal açylýar we ekranyň täzeleniş tizligine gabat gelmeýär. Bu «Android» üçin niýetlenen «Samsung Internet» ykjam goşundysynyň işleýşinden has tapawutlanýar.
«Samsung-yň» brauzeri «Windows 10» we «Windows 11» operasion ulgamlarynda işleýän kompýuterlerde ulanylyp bilner.
