Italiýanyň futbol boýunça milli ýygyndysynyň öňki tälimçisi Antonio Konte 2024-nji ýylyň tomsunda ýene-de Turiniň «Ýuwentus» toparynyň baş tälimçiligine bellenip bilner.
Bellenilmegine görä, klubuň ýolbaşçylary 54 ýaşly italýan hünärmen bilen indiki möwsümiň ahyryna çenli şertnama baglaşdylar. «Ýuwentusyň» häzirki tälimçisi Massimiliano Allegri şu möwsümiň ahyrynda topardan gider.
Konte 2011-nji ýyldan 2014-nji ýyla çenli «Ýuwentusa» ýolbaşçylyk etdi we ýurduň milli ýygyndysynda işlemek üçin wezipesinden gitdi. Konteniň ýolbaşçylygynda «Ýuwentus» yzly-yzyna üç gezek Italiýanyň çempionatynda ýeňiji boldy we iki gezek ýurduň Superkubogyna eýe boldy.
Italiýanyň milli ýygyndysyndan soň, Konte Londonyň «Çelsi» (2016 – 2018) we «Tottenhem» (2021 – 2023) toparlaryna ýolbaşçylyk etdi, şeýle hem Milanyň «Inter» klubunyň (2019 – 2021) baş tälimçisi bolup, 2020/21 möwsüminde Italiýanyň çempionatynda ýeňiji boldy. Mundan başga-da, ol «Çelsi» bilen Angliýanyň çempiony we ýurduň kubogynyň eýesi boldy.
