Norwegiýanyň paýtagty Oslo ýakyn wagtda ikinji ada – Oslowe adyna eýe bolar, ol saamlaryň dilinde şeýle atlandyrylýar. Oslonyň şäher administrasiýasynyň Medeniýet we bilim komiteti şäheriň ýene bir adyny makullady, ol dekabr aýynda resmi taýdan tassyklanar. Bu barada NRK teleýaýlymyna salgylanyp, TASS habar berýär.
Teleýaýlymyň maglumatlaryna görä, adyň saýlanmagy saam jemgyýetinde uly seslenme döretdi. Oslodaky saam guramalary şäheriň norwegiýa we saam atlarynyň arasyndaky tapawudyň simwoliki ähmiýetini bellediler.
Şol bir wagtyň özünde täzelik Saam parlamentiniň geografiki atlar gullugynyň tekliplerine ters gelýär, ýagny oňa laýyklykda paýtagtyň “Oslo” adynyň saam dilleriniň hiç birinde-de deň gelýän manysy ýok.
Şeýle-de bolsa, paýtagtyň syýasatçylary ýerli dolandyryş ministrligine Oslo kommunasyna hem saam adyny – lule-saam dilinde “Oslo suohkan” we demirgazyk saam dilinde “Oslo suohkan” ýa-da “Oslo ýielda” adyny bermek bilen baglylykda ýüz tutmagy meýilleşdirýärler.
Saamlar az sanly fin-ugor halkydyr. Onuň wekilleri Russiýada, Norwegiýada, Finlýandiýada, Şwesiýada we Demirgazyk Amerikada ýaşaýar. Saamlaryň öz baýdagy we döwlet senasy bar.
