Apple-iň önüm mahabatlaryna üns beren bolsaňyz, goý, ol iPhone, iPad ýa-da Mac bolsun, tapawudy ýok, ähli enjamlarda hemişe şol bir wagtyň görkezilýändigini görüp bilersiňiz — ir sagat 9:41.
Bu tötänlik däl-de, eýsem, ähli ownuk detallara hem ünsli çemeleşýänligi bilen tanalýan Apple-e mahsus oýlanyşykly edilen hereket.
Bu aýratynlygyň taryhy 2007-nji ýylda, Stiw Jobs ilkinji gezek iPhone-ny hödürlän mahaly başlandy. Tanyşdyryş ir sagat 9:00-da başlandy we takmynan 42 minutdan soň, Jobsuň arkasyndaky ekranda ir sagat 9:42-ni görkezýän ilkinji iPhone peýda bolupdy.
Bu pursat smartfon pudagy üçin öwrülişik boldy we Apple ähli mahabat şekillerinde wagty sagat 9:42 diýip bellemek bilen, ony ýatlamak kararyna geldi.
Şeýle-de bolsa, 2010-njy ýylda ilkinji iPad-iň çykmagy bilen kompaniýa wagtyny ir sagat 9:41-e üýtgetdi. iOS-yň ozalky ýolbaşçysy Skott Forstall Apple -iň öz tanyşdyryşlaryny iň tolgundyryjy pursat 40 minutdan soň başlar ýaly, ýörite meýilleşdirendigini düşündirdi. Häzirki wagtda Apple-iň uly bildirişleri wakanyň takmynan 40-njy minutynda bolup geçmese-de, ähli enjamlarda sagadyň 9:41-i görkezmek däbi dowam edýär.
Kadadan çykma hökmünde Apple Watch mahabatda, 10:08-i görkezýän beýleki sagatlardan has ýokarydygyny aňladyp, 10:09-y görkezýändir.
