Türkmen türgenleri Kikboks boýunça dünýä çempionatynda 3 bürünç medal gazandylar

  • 28.11.2023 14:12
  • 17k+

17-nji noýabrdan 26-njy noýabr aralygynda Portugaliýanyň Albufeýra şäherinde kikboks boýunça dünýä çempionaty geçirildi. Ýaryşa gatnaşyjylar dürli agram derejelerde dünýä çempiony ady ugrunda göreşdiler. Kikboks boýunça dünýä çempionaty dünýäniň dürli künjeginden iň gowy kikboksçylary bir ýere jemledi. Sportuň bu görnüşi janköýerleriň we tomaşaçylaryň arasynda eýýäm köpden bäri meşhurdyr.

Dünýä çempionatynda Türkmenistanyň milli ýygyndysy hökmünde çykyş eden Türkmen döwlet bedenterbiýe we sport institutynyň talyplary 3 bürünç medal gazanmagy başardylar. Şeýlelikde, Hojalyýew Geldimuhammet 75 kg agram derejesinde Lowkick görnüşi boýunça Slowakiýadan, Täze Zelandiýadan we Ukrainadan gelen türgenler bilen üç tutluşyk geçirdi. Ol üçünji orna mynasyp boldy.

Türgen Gurbannazarow Gurbanmuhammet hem 75 kg agram derejesinde çykyş edip, Fullcontact görnüşi boýunça Portugaliýadan, Gresiýadan we Gazagystandan türgenler bilen tutluşdy we 3-nji orna mynasyp boldy.

Bazarow Narzulla 71 kg agram derejede Fullcontact görnüşi boýunça çykyş etdi. Ol Kuweýtden, Özbegistandan we Gazagystandan türgenler bilen tutluşyp, bürünç medala mynasyp boldy.
Bütindünýä kikboks federasiýasynyň (WAKO) prezidenti Roý Beýkeriň gatnaşmagynda geçirilen sylaglama dabarasynda türkmen türgenlerine ýörite kikboks şahadatnamalary gowşuryldy. 


düýn 11:13
8.3k+

Portugaliýa penalti tapgyrynda Ispaniýany utup, Milletler ligasynyň ýeňijisi boldy

Portugaliýanyň milli ýygyndysy UEFA-nyň Milletler ligasynyň finalynda Ispaniýanyň toparyny utup, ýaryşda iki gezek ýeňiji bolan ilkinji topar boldy. Mýunhende geçirilen final oýnunyň esasy wagty 2:2 hasabynda tamamlandy...

05.06.2025 16:35
13k+

Portugaliýa ikinji gezek Milletler ligasynyň finalyna çykdy. Ýarym finalda ol Germaniýany utdy

Portugaliýanyň milli ýygyndysy Milletler ligasynyň ýarym finalynda Germaniýanyň toparyny utdy. Duşuşyk Mýunhende geçirildi we portugaliýalylaryň peýdasyna 2:1 hasabynda tamamlandy. Ýeňijileriň düzüminde gollary Fransişku Konseýsau we Kriştianu Ronaldu geçirdi...

04.06.2025 14:13
4.6k+

Türkmenistanyň dürli ýurtlardaky diplomatik wekilhanalary welosipedli ýörişleri geçirdiler

Bütindünýä welosiped güni mynasybetli Türkmenistanyň diplomatik wekilhanalary sport çärelerini we welosipedli ýörişleri guradylar. Bu barada Türkmenistanyň DIM-niň metbugat gullugy habar berýär. 1-nji iýunda Türkmenistanyň Özbegistandaky ilçihanasy tarapyndan Daşkent şäherinde welosipedli ýöriş geçirildi...

04.06.2025 13:24
4.1k+

Türkmenistanly karateçiler Samarkantda halkara ýaryşynda 15 medal gazandylar

30-njy maý 1-nji iýun aralygynda Samarkantda (Özbegistan) kiokuşinkaý karate boýunça halkara ýaryşda Türkmenistanyň ýygyndy topary üstünlikli çykyş etdi. Erkekleriň agram derejelerinde türkmen türgenleri ýokary netijeleri görkezdiler...