Italiýanyň milli ýygyndysy tennis boýunça Dewisiň kubogynyň final oýnunda Awstraliýanyň toparyny utdy. Report agentliginiň habar berşi ýaly, ýaryş Ispaniýanyň Malaga şäherinde geçirildi.
Birinji duşuşykda Matteo Arnaldi 7:5, 2:6, 6:4 hasabynda Alekseý Popyrini utdy. Ikinji oýunda Ýannik Sinner 6:3, 6:0 hasaby bilen Aleks de Minaurdan üstün çykdy.
Ýekelikde geçirilen iki oýnuň jemi boýunça deňme-deň netije alnan ýagdaýynda jübütleriň arasyndaky duşuşyk meýilleşdirilipdi. Awstraliýanyň milli topary üçin Mettýu Ebden bilen Maks Pýorsell, Italiýanyň topary üçin bolsa Sinner bilen Simone Bolelli oýnamalydy.
Italiýanyň milli ýygyndysy taryhda ikinji gezek Dewisiň Kubogyny utdy. Öň, italiýalylar 47 ýyl mundan öň – 1976-njy ýylda ýeňiji bolupdylar. Awstraliýa Dewisiň Kubogynda 28 gezek ýeňiş gazandy, ýöne 2003-nji ýyldan bäri kubogy alyp bilenok. Geçen möwsümde awstraliýalylar finala çykyp, Kanadanyň toparyndan utuldylar.
