«Älem gözeli-2023» adyna Nikaraguanyň wekili Şeýnis Alondra Palasios Korneho mynasyp boldy diýip, bäsleşigiň Metbugat gullugy X (Twitter) sahypasynda habar berdi.
Ilkinji üçlüge, Palasiosdan başga, Awstraliýanyň wekili Moraýýa Uilson we Tailanddan Anntoniýa Porsild girdi.
23 ýaşly Şeýnis Palasios «Älem gözeli» adyna eýe bolan ilkinji nikaragualy boldy. Model ilkinji gezek 2016-njy ýylda «Miss ýetginjek Nikaragua» bäsleşigine çykdy, soňra ol Teen Universe bäsleşiginde öz ýurduna wekilçilik etdi we ilkinji onluga girdi. Palasios «Dünýä gözeli Nikaragua 2020» we «Dünýä gözeli 2021» bäsleşiklerine gatnaşdy we top-40-lyga girdi.
2023-nji ýylyň 5-nji awgustynda Palasios «Miss Nikaragua 2023» bäsleşiginde ýeňiji boldy we «Älem gözeli» bäsleşigine gatnaşmaga hukuk gazandy.
