“Formula-1-iň” çempiony Lýuis Hemilton Fortnite wideo oýnunda peýda bolar

  • 17.11.2023 08:13
  • 5.9k+
“Formula-1-iň” çempiony Lýuis Hemilton Fortnite wideo oýnunda peýda bolar

“Formula-1-iň” ýedi gezek çempiony, “Mersedesiň” sürüjisi Lýuis Hemilton meşhur Fortnite wideo oýnunyň “patyşalyk söweşi” žanrynda gahryman hökmünde peýda bolar. Bu barada aif.ru habar berýär.

Hödürlenen treýlerde ilki hakyky Hemilton, soňra oýun dünýäsinde onuň sanly görnüşi görkezilýär. Britaniýaly ýaryşa gatnaşyjynyň keşbini üýtgetmek mümkinçiligi satyn almak üçin 18-nji noýabrda elýeterli bolar. Hemiltondan başga-da, Fortnite oýnunda onuň buldogy Rosko peýda bolar.
Belläp geçsek, “Formula-1-iň” çempiony wideo oýunda peýda bolan ýeke-täk türgen däl. Fortnite-yň gahrymanlarynyň arasynda futbolçy Neýmar, tennisçi Naomi Osaka we basketbolçy Lebron Jeýms hem bar.

“Maklaren” yzygider dördünji gezek ilkinji iki orny eýeläp, “Formula-1-iň” rekordyna golaýlady
04.08.2025 13:27
2.7k+

“Maklaren” yzygider dördünji gezek ilkinji iki orny eýeläp, “Formula-1-iň” rekordyna golaýlady

“Maklaren” toparynyň ýaryşa gatnaşyjylary yzygider dördünji gezek “Formula-1-iň” münberinde ilkinji iki orny eýeledi. Ýekşenbe güni geçen Wengriýanyň Gran-prisinde birinji bolup pellehana Lando Norris, ikinji bolup onuň topardaşy Oskar Piastri geldi...

“Maklarenden” Oskar Piastri Belgiýanyň Gran-prisiniň ýeňijisi boldy, Norris – ikinji
28.07.2025 11:57
1.5k+

“Maklarenden” Oskar Piastri Belgiýanyň Gran-prisiniň ýeňijisi boldy, Norris – ikinji

“Maklaren” toparynyň awstraliýaly sürüjisi Oskar Piastri “Formula-1” çempionatynyň 13-nji tapgyry bolan Belgiýanyň Gran-prisinde ýeňiji boldy. Ýaryş Spa-Frankorşam awtodromynda geçirildi. Howa şertleri sebäpli ýaryş gijräk başlady...

“Red Bull” “Formula-1-iň” toparynyň ýolbaşçysyny Werstappen bilen dawadan soň işden çykardy
10.07.2025 15:46
5.8k+

“Red Bull” “Formula-1-iň” toparynyň ýolbaşçysyny Werstappen bilen dawadan soň işden çykardy

Kristian Horner “Red Bull Reýsing” toparynyň ýolbaşçysy wezipesinden aýryldy we baş direktoryň wezipe borçlaryndan boşadyldy. Bu barada toparyň metbugat gullugy habar berdi. KHBS-iň maglumatlaryna görä, britaniýalynyň işden çykarylmagynyň sebäbi onuň toparyň esasy sürüjisi Maks Werstappen bilen uzaga çeken dawasy we häzirki möwsümde şowsuz netijeler boldy...

Bred Pittiň düşen “Formula 1” ýaryş dramasy Apple-iň iň köp girdeji gazanan filmi boldy
08.07.2025 10:57
3.8k+

Bred Pittiň düşen “Formula 1” ýaryş dramasy Apple-iň iň köp girdeji gazanan filmi boldy

Bred Pittiň baş keşbi janlandyrmagynda düşürilen “Formula 1” filmi 10 günde 293,6 million dollar girdeji gazandy we Apple Studios-yň dünýä kinoteatr prokatynda iň köp girdeji gazanan taslamasyna öwrüldi diýip, Variety ýazýar...