Prezident Serdar Berdimuhamedow daýhanlary ykdysady taýdan höweslendirmek maksady bilen, pagtanyň we bugdaýyň döwlet satyn alyş nyrhlaryny ýokarlandyrmak üçin zerur bolan şertleri üpjün etmegiň, degişli teklipleri taýýarlamagyň wajypdygyna ünsi çekdi. Bu barada döwlet Baştutanynyň Arkadag şäherine iş saparynyň barşynda bellenilip geçildi.
Munuň özi daýhanlaryň ýere bolan höwesiniň has-da artmagynda, olaryň çekýän yhlasly zähmetinde uly hyjuw döretmeginde, ýerleriň hakyky eýesiniň tapylmagynda, öndürilýän önümleriň möçberleriniň yzygiderli artmagynda we ýurdumyzyň ykdysadyýetiniň mundan beýläk-de kuwwatlanmagynda aýratyn ähmiýetlidir.
