Türkmenistanda meşhur aýdym portaly bolan Aydym.com 9-10-njy noýabrda Aşgabatda geçirilen «Turkmentel — 2023» halkara sergisine gatnaşdy.
Dünýä belli kompaniýalaryň, halkara guramalaryň wekillerini, dürli ugurdan hünärmenleri ýygnan bu çärede portal gatnaşyjylary ýaş aýdymçylaryň özlerini köpçülige tanatmagy üçin, şeýle-de ussat aýdymçylaryň aýdymlaryny köpçülige ilkinji bolup ýetirmek boýunça hödürleýän hyzmatlary bilen tanyşdyrdy. Portal ulanyjylara diňe bir ýurdumyzyň aýdymçylarynyň däl, eýsem daşary ýurt aýdymçylarynyň dürli žanrlardaky aýdymlaryny diňlemek, şekilli aýdymlara tomaşa etmek hem-de täsin, gyzykly maglumatlary saklaýan wideolary görmek mümkinçiligini hem berýär.
Şeýle-de, serginiň dowamynda gyzyklanma bildirenleriň ählisine portal tarapyndan 3 aýlyk premium kartlary sowgat berildi. Bu kartyň kömegi bilen ulanyjylar Aydym.com ykjam goşundysynda premium hasaby açyp, çäksiz mukdarda aýdym ýükläp, internetsiz diňläp hem şekilli aýdymlara tomaşa edip bilerler.
Ýeri gelende bellesek, häzirki wagtda portalyň işjeň ulanyjylarynyň sany 700 müňe ýetýär. Onda aýda 55 mln aýdym diňlenýär, 3 mln wideo görülýär. Portalda 1000-den gowrak aýdymçy, 50 müň aýdym hem-de 8 müňden gowrak wideo material bar. Bu sanlar portalyň ulanyjylaryň arasyndaky meşhurlygynyň gün-günden artýandygyny görkezýär.
Aydym.com-yň mobil görnüşini Google Play-dan: Play Market we App Store-den: App Store salgylardan ýükläp bilersiňiz.
Habarlaşmak üçin: moderteam@aydym.com
Web saýty: aydym.com
IMO/Telegram: +99363 330799
Şeýle hem okap bilersiňiz:
