Prezident Serdar Berdimuhamedow Batyr Nyýazlyýewi başga işe geçmegi sebäpli, Türkmenistanyň Russiýa Federasiýasyndaky, şeýle hem Sloweniýa Respublikasyndaky, Serbiýa Respublikasyndaky we Bolgariýa Respublikasyndaky Adatdan daşary we Doly ygtyýarly ilçisi wezipelerinden boşatdy. Degişli resminama döwlet Baştutany şu gün sanly ulgam arkaly Ministrler Kabinetiniň nobatdaky mejlisinde gol çekdi. Bu barada «Watan» habarlar gepleşiginde habar berildi.
Türkmenistanyň Prezidenti ýurdumyzyň Russiýa Federasiýasyndaky Adatdan daşary we Doly ygtyýarly ilçisi ilçisi wezipesine Esen Aýdogdyýewi belläp, ony Halkara ynsanperwer ylymlary we ösüş uniwersitetiniň rektory wezipesinden boşatdy.
Esen Aýdogdyýew mundan ozal, Türkmenistanyň Awstriýa Respublikasyndaky we Şweýsariýadaky Adatdan daşary we Doly ygtyýarly ilçisi wezipelerinde işledi.
Şeýle hem ol Türkmenistanyň BMG-niň Ženewadaky ştab-kwartirasynda hemişelik wekili boldy.
Esen Aýdogdyýew 2014-nji ýylda Halkara ynsanperwer ylymlary we ösüş uniwersitetiniň rektory wezipesine bellenilipdi.
