Samsung Electronics kompaniýasy häzirki wagtda «Samsung AI Forum 2023» forumyny geçirýär we bu ýerde ol gyzykly bildiriş berdi. Forumda Samsung Research gözleg merkezi tarapyndan işlenip düzülen emeli aňyň dörediji modeli bolan Samsung Gauss hödürlendi.
Samsung kompaniýasynda gürrüň bermeklerine görä, bu model maşyn öwrenmegiň we AI-iň esasyny düzýän adaty paýlanyş teoriýasyny döreden meşhur matematik Karl Fridrih Gaussyň adyny göterýär. Mundan başga-da, bu at Samsung-yň AI-niň güýjüni ulanmak we dünýädäki ulanyjylaryň durmuşyny gowulandyrmak üçin adamzat tarapyndan toplanan ähli bilimleri ulanmak baradaky düşünjesini görkezýär.
Samsung Gauss modeli Samsung Gauss Language, Samsung Gauss Code we Samsung Gauss Image modullaryndan durýar. Samsung -yň Gauss Language dörediji dil modeli elektron hatlary düzmek, resminamalaryň mazmunyny gysgaça beýan etmek we mazmuny terjime etmek ýaly meseleleri aňsatlaşdyrmak üçin döredildi. Samsung-da belleýişlerine görä, önümlere goşulanda ol enjamlaryň has tertipli dolandyrylyşyny üljün etmek bilen ulanyjynyň tejribesini ýokarlandyryp biler.
Samsung Gauss Image – bu şekil stilini üýtgetmek, jikme-jiklikleri goşmak we pes çözgütli şekilleri ýokary çözgütli şekillere öwürmek ýaly, suratlary döretmäge we redaktirlemäge mümkinçilik berýän döredijilik şekilli modeldir.
