Honor-yň öz smartfonlaryna hemra aragatnaşygyny ornaşdyrmagy meýilleşdirýändigi indi ýönekeý bir gürrüňler däl. Bu barada hytaý kompaniýasynyň marketing müdiri Szýan Haýrong Weibo sahypasynda şeýle ýazýar:
“Hemra aragatnaşygy tehnologiýasy tehniki çäklendirmelere eýe, ýöne Honor kompaniýasy bu ugurdaky gözleglere we işläp taýýarlamalara ep-esli serişde maýa goýdy we köp möhüm ugurlarda üstünlik gazandy. Siz geljege sabyrsyzlyk bilen garaşyp bilersiňiz. Ykjam Honor telefonlary hemra aragatnaşygy nukdaýnazaryndan pudagyň lideri bolar”.
Başga hiç hili jikme-jiklik ýok, ýöne aýdylanlara salgylansaň, Honor enjamlary hemra aragatnaşygynyň kömegi bilen sesli jaňlary goldar. Öň, Hytaýyň HBS-i brendiň hemra aragatnaşygyny göterjek ilkinji enjamynyň Honor Magic6 bolup biljekdigini habar berdi.
