Marvel kinostudiýasy ilkinji gezek 10-njy noýabrda görkeziljek täze “Kapitan Marvel 2” kinokomiksinden öň iň soňky treýlerini çykardy. Wideonyň ilkinji kadrlarynda Robert Dauni-kiçiniň Demir adamy we Kris Ewansyň Kapitan Amerikasy peýda bolýar. Nik Fýuriniň (onuň keşbini Samuel L. Jekson ýerine ýetirýär) kadryň aňyrsyndan gelýän sesinde: "Gahrymanlar – bu köne düşünje, emma dünýä olary henizem ulanyp biler" diýilýär. Iki minutlyk wideo Marvel Entertainment-iň YouTube kanalynda çap edildi.
Bu Marvel kinematografiýa äleminiň 5-nji tapgyrynyň nobatdaky bölümi, ol şu ýylyň başynda “Garynja-adam we Ary: Kwantomaniýa” bilen başlanyp, “Gallaktikanyň sakçylary. 3-nji bölüm” bilen dowam etdi. “Kapitan Marvel 2” filminde baş keşbi öň “Kapitan Marvel” filminde oýnan aktrisa Bri Larson ýerine ýetirdi we Samuel L. Jekson bolsa (“Kapitan Marwel”, “Şaft”, “Aýna”) Nik Fýuriniň keşbine gaýdyp geldi.
