2022-nji ýylda GTA 6-nyň syzdyrylan wersiýasynyň faýllarynda oýundaky (NPC) ownuk gahrymanlaryň emeli aňynyň (AI) GTA 5-den has gowy boljakdygy baradaky maglumat anyklandy. Muny Tobbelobben lakamly Reddit forumyndan data-maýneriň tapyndylaryna salgylanýan Wccftech neşiri habar berýär.
Tobbelobben syzdyrylan GTA 6 faýlynda AI-niň düzediş menýusyny tapdy. Oýundaky NPC-leriň ProceduralMotion, EmotionalLocoRequests, Expressions we Gesture ýaly parametrleriniň boljakdygy belli boldy. Ýagny, ikinji derejeli gahrymanlar oýunçynyň döreden dürli ýagdaýlaryna hakyky wagtda reaksiýa görkezip bilerler. Reaksiýa diňe hereketlerde däl, ýüz keşbinde we duýgularynda hem ýüze çykar. Mundan başga-da, NPC-ler oýunçyny we onuň hereketlerini ýadynda saklar, bu bolsa täzeden ýüzbe-ýüz bolanda başgaça reaksiýa bermäge mümkinçilik berer.
Şeýle hem, GTA 6-daky oýun materiallarynda haýwanlaryň üýtgeşik häsiýetleriniň bardygynyň subutnamasy tapyldy, olaryň hereketleri has akylly we hakyky ýaly bolar. Oýunda, Rockstar Games-iň beýleki oýunlaryna garanyňda, tebigatyň duýulyş derejesi has çuňňur bolar diýlip garaşylýar.
Şeýle hem GTA 6-daky NPC-leriň toparlara bölünjekdigi mälim boldy. Mundan başga-da, bu bölünişik dinamiki bolar we oýunçynyň hereketlerine bagly bolar.
GTA 6-nyň 2025-nji ýylda çykmagyna garaşylýar.
