Şu gün, 9-njy noýabrda Aşgabatda Söwda-senagat edarasynda Telekommunikasiýalar we Teleradioýaýradyş boýunça “Turkmentel – 2023” atly halkara sergisi we maslahaty öz işine başlady. 30-a golaý ýurtdan 80-e golaý kompaniýany jemlän bu iri göwrümli çärä ýurdumyzda meşhur awtomobil portaly — TmCars we aýdym portaly — Aydym.com hem gatnaşýar.
TmCars sergide oňa gatnaşyjylara hödürleýän hyzmatlary barada maglumat berýär. Bilşimiz ýaly, TmCars ulanyjylara internet söwdasy, mahabat boýunça hyzmatlary hödürleýär. Şeýle-de, bu portalyň Habarlar bölüminde ulanyjylar ýurdumyzda we dünýäde bolup geçýän täzelikler, wakalar bilen tanşyp, özlerini gyzyklandyryp biljek maglumatlarydyr makalalary okap bilerler.
Aydym.com portaly üç ýyla golaý wagt bäri hereket edip gelýändigine garamazdan, ulanyjylaryň arasynda giň meşhurlyk gazandy. Aydym.com ýaş aýdymçylaryň özlerini köpçülige tanatmagy üçin, şeýle hem ussat aýdymçylaryň aýdymlaryny köpçülige ilkinji bolup ýetirmekleri üçin mümkinçilikleri döredip berýän portalydyr.
