AnTuTu bençmarkynyň soňky maglumatlaryna görä, Honor-yň eplenýän flagmany Magic V2 iň gowy görülýän Android smartfonlarynyň reýtinginde birinji orny eýeledi. Bu barada ferra.ru habar berýär.
2023-nji ýylyň noýabr aýynyň başynda geçirilen pikir soraşma görä, çeýe ekranly bu gajet ulanyjylardan 96,15% oňyn ses aldy. Onuň yzyndan 95,78% ses bilen Samsung Galaxy S23 Ultra gelýär. Üçünji orny 95,45% oňyn ses bilen ýene bir çeýe ekranly smartfon Xiaomi MIX Fold 3 saklaýar.
Şeýle netijeler diňe bir sarp edijileriň arasynda çeýe ekranlaryň meşhurlygynyň artýandygyny görkezmek bilen çäklenmän, eýsem Samsung we Xiaomi ýaly tehnologiýa ägirtlerinden öňe geçmegi başaran Honor-yň önümleriniň ýokary hillidigine şaýatlyk edýär.
Bu Honor Magic V2 sarp edijiler üçin çeýelik we innowasiýa esasy saýlama faktoryna öwrülýän smartfon dizaýnynda täze döwürden habar berip biler.
