5-nji noýabrda Italiýanyň Seriýa A ligasynyň 11-nji tapgyrynyň Rimiň “Romasy” bilen “Leççeniň” arasyndaky oýny tamamlandy. Toparlar Italiýanyň Rim şäherindäki “Olimpiko” stadionynda oýnadylar. Duşuşyk rimlileriň peýdasyna 2:1 hasabynda tamamlandy diýip, championat.com habar berýär.
Türkmen gelip çykyşly eýranly hüjümçi Serdar Azmun oýunda öz topary üçin birinji goly geçirip, hasaby deňledi. Hüjümçi Rim toparynyň düzüminde ilkinji gezek gol bilen tapawutlandy.
Ýatlap geçsek, Serdar Azmun Peterburgyň “Zenitiniň”, “Rostowyň” we Kazanyň “Rubininiň” öňki futbolçysydyr. Bu klublar üçin 2013-nji ýyldan 2022-nji ýyl aralygynda çykyş etdi. Ol “Zenitiň” düzüminde dört gezek Russiýanyň çempiony, iki gezek Russiýanyň Super Kubogynyň eýesi we Russiýanyň Kubogynyň ýeňijisi boldy.
Lewerkuzeniň “Baýeriniň” oýunçysy bolan Azmun “Romada” kärendesine çykyş edýär. Transfermarkt portalynyň maglumatlaryna görä, onuň, takmynan, bahasy 12 mln ýewro.
