Android Studio-nyň 2023-nji ýylyň 1-nji oktýabryndaky maglumatlaryna görä, 2022-nji ýylda çykarylan Android 13 iň meşhur wersiýa boldy. Google-yň ykjam OS-yny ulanyjylaryň 22,4%-i onuň paýyna düşdi. Bu barada GizChina neşirine salgylanyp, gazeta.ru habar berýär.
Ikinji meşhur wersiýa Android 11 boldy – bu operasion sistemanyň paýyna ulanyjylaryň 21,6%-i düşýär. Liderleriň üçlügini 16,1% paý bilen Android 10 jemleýär. Dördünji we bäşinji orunlary, degişlilikde, 15,8% we 10,5% paý bilen Android 12 we Android 9 Pie eýeledi.
Soňra Android 8 Oreo (7,3%), Android 7 Nougat (2,6%), Android 6 Marshmallow (1,9%) we Android 5 Lollipop (1,4%) gelýär. Android Studio statistikasynda Android-iň iň köne wersiýasy 1%-den hem az paý bilen 4.4 KitKat-dyr.
Google-yň ykjam operasion sistemasynyň iň soňky wersiýasy bolan Android 14 hasabatda görkezilmeýär, sebäbi hasabat onuň relizinden ir çykdy. Android 14-üň relizi 2023-nji ýylyň 4-nji oktýabrynda Google Pixel 8 seriýasynyň smartfonlarynyň anonsy bilen birlikde bolup geçdi.
