Apple Touch Bar sensor panelli noutbuklarynyň satuwyny bes etdi.
M3 maşgalasynyň çiplerine esaslanýan MacBook Pro yglan edilenden soň, amerikan kompaniýasy öz web sahypasyny täzeledi. Portalyň žurnalistleri maglumatlary girizmegiň alternatiw usuly üçin döredilen Touch Bar-ly MacBook-laryň satuwdan ýitip gidendigine üns berdiler diýip, The Verge neşirine salgylanýan Report ýazýar.
Apple-iň Touch Bar-ly soňky noutbugy 13 dýuýmlyk MacBook Pro boldy. Apple-iň täzelenen web sahypasyna görä, Tim Kukuň korporasiýasy diňe bir duýgur paneli bolan noutbuklardan däl, eýsem, 13 dýuýmlyk kompýuterlerden hem ýüz öwürdi.
Touch Bar-ly noutbuklar ilkinji gezek 2016-njy ýylda Apple-iň hatarynda peýda boldy. Duýgur paneliň muşdaklary bar hem bolsa, Apple uzak wagtlap oňa ýapyşar ýaly, ol ýeterlik meşhur däldi" - diýip The Verge-iň awtory Jeý Piters belledi. 2021-nji ýylda täzelenen 14 we 16 dýuýmlyk MacBook Pro-ny çykarmak bilen, kompaniýa Touch Bar-dan ýüz öwürdi.
