Weibo-da we Twitter-de Ice Universe lakamy bilen tanalýan insaýder Samsung-yň täze flagman hataryny - Galaxy S24-i çykaryp başlandygyny habar berdi. Maglumat berijiniň sözlerine görä, ilkinji görkeziliş 2024-nji ýylyň ýanwar aýynda – ýa aýyň ortasynda, ýa-da ahyryna çenli bolar.
Däp bolşy ýaly, Samsung-yň flagmanlary, köplenç, esasy bäsdeşlerinden has giç çykýar. Şeýlelik bilen, Xiaomi 14 öňňin hödürlendi, noýabryň başynda Vivo X100-iň we iQOO 12-iň ilkinji görkezilişine garaşylýar, soň bolsa - noýabr ýa-da dekabr aýlarynda – hatda kompaniýanyň özüniň eýýäm görkezen OnePlus 12-siniň çykarylmagyna garaşylýar. Aldygyna geçginli iPhone 15 bilen Pixel 8 hakda-ha gürrüň edip oturasy iş hem ýok.
Samsung Galaxy S24 smartfonlarynda dürli bazarlar üçin iki sany çipli ulgamyň dizaýnyna gaýdyp geler: Galaxy S24 we Galaxy S24 Plus Exynos 2400 hem-de Snapdragon 8 Gen 3 bilen enjamlaşdyrylar. Ýöne iň ýokary model bolan Galaxy S24 Ultra diňe Snapdragon 8 Gen alar. Kameralar babatynda hiç hili täzelige garaşylmaýar, dizaýnda hem täzelik az.
