Apple M3 prosessorlarynda işleýän täzelenen kompýuter hataryny, şol sanda MacBook Pro bilen iMac-y hödürledi. Bu barada gazeta.ru habar berýär.
Kompaniýanyň onlaýn tanyşdyrylyşyndan görnüşi ýaly, esasy ýütgeşmeler prosessorlar bilen baglanyşykly. Has kuwwatly, netijeli we öndürijilikli M3 çipleri M2 hatarynyň ornuny çalyşdy. Çipleriň üç modeli hödürlendi: M3, M3 Pro we M3 Max.
Kompaniýanyň aýtmagyna görä, M3 çipli täze MacBook Pro-nyň öndürijiligi M2 bilen deňeşdirilende 40% we M1 çibi bilen deňeşdirilende 60% ýokary bolar. Täze MacBook Pro zarýad bermezden 22 sagada çenli işläp biler.
14 dýuým ekranly MacBook Pro modelleri satyn almak üçin indiki hepdeden 1599 dollar başlangyç baha bilen elýeterli bolar. 16 dýuým ekranly we has ýokary çipli noutbuklar 2499 dollardan başlar we noýabr aýynyň ahyrlarynda alyjylar üçin elýeterli bolar.
Mundan başga-da, Apple 2021-nji ýyldan bäri ilkinji gezek iMac stol kompýuterlerini hödürledi. 24 dýuým displeýli täze iMac hem M3 çipleri bilen üpjün edildi. ABŞ-da bu kompýuterleriň bahasy 1299 dollardan başlaýar.
Apple-iň öňki tanyşdyryş dabaralarynyň aglabasyndan tapawutlylykda, bu çäre diňe bir Kaliforniýada agşam sagat 17:00-da geçirilmän, eýsem doly onlaýn görnüşde gurnaldy, bu hem žurnalistlere täze önümlere ýakyndan baha bermäge mümkinçilik bermedi.
