Günorta Koreýanyň «Kia» kompaniýasy täzelenen «K5» sedany üçin sargytlary kabul edýändigini mälim etdi.
Ozal «Optima» ady bilen tanalýan täzelenen sedan täze faralar we yzky çyralar bilen üpjün edildi. Onuň optikasy koreý markasynyň ýaňy-ýakynda tanyşdyrylan elektrik krossowerleriniňki ýaly stilde ýasalypdyr. «K5-iň» bamper konfigurasiýasy hem üýtgedi. Öň tarapynda has uly howa çalşygy bölümleri peýda boldy. Arka tarapda täze gaz çykaryjy ulgamlar ýerleşdirildi. Täzelenen «K5» täze dizaýnly teker disklerine hem eýe boldy. Olaryň gurluş diametri görnüşe baglylykda, 16-dan 19 dýuýma çenli üýtgeýär.
Salonda panoramik egri displeý, media ulgamyny we howa gözegçiligini dolandyrmak üçin ulanylýan düwmeleriň optimizirlenen blogy ýerleşdirilipdir. Täzelenen «K5» Koreýa bazarynda dört hereketlendiriji bilen hödürlenýär. Bu 160 at güýji bolan 2,0-lik atmosfera benzin hereketlendirijisi, 1,6-lyk turbo hereketlendiriji (180 at güýji), şeýle hem propan bilen işleýän 2.0 litrlik hereketlendiriji we şol bir göwrümdäki hereketlendirijä esaslanýan gibrid nusga.
