Roskosmosyň kosmonawtlary Oleg Kononenko (TASS-yň HKS-däki ýörite habarçysy) we Nikolaý Çub halkara kosmos stansiýasynyň (HKS) “Poisk” modulynyň çykyş gapagyny ýapdylar, ýagny stansiýa 70-nji uzak möhletli ekspedisiýanyň çäginde ilkinji gezek açyk kosmosa çykmagyny tamamlady diýip, “Roskosmos” ýaýlymda habar berdi.
Kononenko we Çub çarşenbe güni Aşgabat wagty 22:49-da kosmosa çykdylar. Kosmonawtlar gäminiň daşyndaky işini (KDI) 7 sagat 41 minutda tamamladylar.
Gäminiň daşyndaky iş döwründe kosmonawtlar 9-njy oktýabrda syzyş ýüze çykan radiasiýa ýylylyk çalşyjysynyň gidrawliki zynjyrlaryny öçürdiler. Şeýle hem, germetizasiýanyň bozulan ýerini gözden geçirdiler we surata düşürdiler - alnan maglumatlar Ýerdäki hünärmenlere onuň sebäplerini kesgitlemäge kömek eder.
Türkmenistanyň Gahrymany Oleg Kononenkonyň kosmosda iň uzak wagt bolmak boýunça rekord goýmaga taýýarlanýandygyny ýatladýarys.
Bu ekspedisiýa Oleg Kononenko üçin aýratyn ähmiýetli, sebäbi ol kosmonawtlaryň arasynda kosmosda geçirilen umumy wagt boýunça rekord eýesi bolar. Onuň uçuşy 375 gün dowam eder, şondan soň kosmosda jemi müň günden gowrak wagt bolmak netijesi bilen Ýere gaýdyp geler.
Oleg Kononenko 1964-nji ýylda Türkmenabat şäherinde doglup, orta mekdebi şol ýerde tamamlady we soňra Çärjewiň birlşen awiatoparynyň awiasiýa tehniki bazasynda işledi. Türkmenistanyň Gahrymany diýen ada we Altyn Aý altyn medalyna mynasyp boldy, Türkmenistan döwletiniň öňünde bitiren hyzmatlary üçin "Prezident ordeni" bilen sylaglandy.
