Google personal kompýuterlere «Android» oýunlaryny goşandygyny mälim etdi. Bu barada SamMobile neşiri habar berdi.
Korporasiýa mobil oýunlarynyň Play Games dükany arkaly elýeterli bolandygyny aýtdy. Dükana girmek üçin ulanyjy Windows 11-iň häzirki wersiýasyny gurmalydyr. Ozal taslama beta-synag tapgyrynda bolupdy.
Şeýle hem, Google smartfonlardan kompýuterlere 3000 töweregi oýnuň getirilendigini aýtdy. Katalogda Asphalt 9: Legends, BADLAND, Clash Of Clans и Clash Royale ýaly meşhur taýtllar bar. Ähli oýunlar kategoriýalara bölünýär.
Kompýuterlerde peýda bolan oýunlar konsollar üçin dolandyryjylaryň birikmesini goldaýar - PS5 DualSense, Xbox One, Xbox Series S we Xbox Series X üçin geýmpadlar. Käbir taýtllar 4K durulykda işledilip bilner. "Bu täze aýratynlyklar arkaly Google has köp platformada Android oýunlarynyň elýeterliligini giňeltmäge çynlakaý çemeleşýär" – diýip, SamMobile-iň awtorlary bellediler.
