GizmoChina neşiri flagman Xiaomi 14 Pro-nyň aýratynlyklaryny açdy. Smartfon şu aýyň ahyrynda hödürlenjek “Qualcomm Snapdragon 8 Gen 3” prosessori bilen işlär.
Enjamyň kamerasy 1 dýuýmlyk Sony IMX989 datçigini we Leica Summilux obýektiwlerini alar. Mundan başga-da, bu enjam Dolby Vision Atmos-a, Hi-Res-e we Hi-Res Wireless Audio goldaw berer. Onsoňam geljekki flagman ozalky Xiaomi 13 Pro-dan tozandan we suwdan goraýyş IP68 derejesini hem saklar.
Täze Xiaomi smartfonlary Qualcomm kompaniýasynyň konferensiýasyndan bir gün soň, 27-nji oktýabrda yglan edilmeli. Gajetleriň hataryna dört model girer: Xiaomi 14, Xiaomi 14 Pro we Xiaomi 14 Ultra. Smartfonlaryň global wersiýalary barada aýdylanda bolsa, olar 2024-nji ýylyň başyndan öň çykmamasa gerek.
Şeýle hem geçen hepde Xiaomi-niň haýsy enjamlarynyň HyperOS-a çenli täzelenjekdigi belli boldy.
