ABŞ-da Türkmenistanyň Medeniýet günleri tamamlandy

  • 25.10.2023 18:09
  • 8.2k+

24-nji oktýabrda Aşgabadyň doganlyk şäheri bolan ABŞ-nyň Albukerke şäherinde Türkmenistanyň Medeniýet günleriniň çäginde Türkmenistanyň wekiliýetiniň Albukerke şäher häkimi Timoti Keller we häkimliginiň wekilleri bilen duşuşygy geçirildi.

Duşuşykda taraplar bilim, işewürlik, medeniýet, taryh we beýleki ugurlarda şäherleriň arasyndaky hyzmatdaşlygy ösdürmek barada pikir alyşdylar. Şeýle hem Türkmenistanyň wekiliýeti täze maglumat tehnologiýalary we daşky gurşaw taýdan arassa bolan ýaş akylly Arkadag şäheri barada çykyş etdi. Amerikan tarapy Arkadag şäherinde uly gyzyklanma bildirdiler we bu şähere baryp görmek isleýändiklerini mälim etdiler.
Şol gün “Kiva-Auditorium” mejlisler merkeziniň sergi zalynda türkmen milli egin-eşikleri, beýik türkmen şahyry akyldar Magtymguly Pyragynyň kitaplary, türkmenleriň ruhy we maddy medeni mirasynyň aýrylmaz bölegi bolan bezeg we amaly-haşam sungaty sungatyň asyl nusgalary, şeýle hem muzeýiň gymmat bahaly eksponantlary görkezildi.
Soňra Albukerke şäher häkimliginiň, Doganlyk şäherler gaznasynyň, Nýu-Meksiko uniwersitetiniň wekilleriniň, döredijilik işgärleriniň, ýerli ilatynyň, şeýle hem ABŞ-nyň dürli uniwersitetlerinde okaýan türkmen talyplarynyň, Türkmenistanyň ABŞ-daky ilçisi M.Orazow “Kiva Auditorium” konsert zalynda, “akylly” şäher düşünjesine esaslanyp, Türkmenistanyň Halk Maslakhatynyň başlygy Gurbanguly Berdimuhamedowyň başlangyjy bilen gurlan täze Arkadag şäheri barada çykyş etdi. Tanyşdyryş dabarasynda Arkadag şäheri barada jikme-jik maglumat berýän wideo görkezildi.
Türkmen medeniýetiniň günleriniň jemleýji çäresi Türkmenistanyň meşhur sungat we medeniýet işgärleri we döredijilik toparlarynyň ýerine ýetiren dabaraly konserti boldy. Konsertiň dowamynda watanymyzy wasp edýän aýdymlar, liriki we halk aýdymlary ýerine ýetirildi. Şeýle hem Magtymguly Pyragynyň we türkmen halkynyň Milli Lideri Gurbanguly Berdimuhamedowyň sözlerine düzülen aýdymlar aýdyldy.


düýn 14:16
4.1k+

5-nji noýabrda Türkmenistanyň asmanynda ýylyň iň ýagty dolan Aýy görner

2025-nji ýylyň 5-nji noýabrynda Türkmenistanyň ýaşaýjylary täsin asman hadysasyna – “Samyr Aýyna” syn edip biler. Bu gezek noýabryň Superaýy öňkülerden has owadan bolmagy wada berýär, çünki ol ýylda iň uly hem iň ýagty dolan Aý bolar...

28.10.2025 12:06
13k+

Oktýabr aýynyň soňky hepdesinde Türkmenistanda garaşylýan howa maglumaty

Oktýabr aýynyň soňky hepdesinde ýurdumyzda maýyl howa saklanar. Käwagt şemally howa bolar. Käbir welaýatlarda bolsa az-kem ýagyş ýagar. Aşgabatda wagtal-wagtal açylýan bulutly howa bolup, gündizlerine +20...+22 gradusdan +28...

28.10.2025 11:20
2.3k+

Horezm welaýatynda we Daşkentde Türkmenistanyň Medeniýet günleri geçirildi

21-24-nji oktýabr aralygynda gadymy Horezm welaýatynda we Daşkent şäherinde Türkmenistanyň Medeniýet günleri geçirildi. Bu barada Türkmenistanyň DIM-niň metbugat gullugy habar berýär. Medeniýet günleriniň ýokary derejeli açylyş dabarasy 21-nji oktýabrda Horezm welaýatynyň aýdym-sazly drama teatrynda geçirildi...

28.10.2025 00:48
4.3k+

Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň assosiasiýasyna kabul edildi

Myrat Garryýew adyndaky Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň we ylmy-barlag merkezleriniň assosiasiýasynyň resmi taýdan täze agzalygyna saýlandy. Bu barada "Türkmenistan: Altyn asyr" elektron neşiri habar berýär...