Tom Kruzyň baş keşbi janlandyran «Ýerine ýetirip bolmajak missiýa» şpionçylyk filminiň sekizinji bölüminiň ilkinji görkeziljek senesi bir ýyla golaý yza süýşürildi. Hollywood Reporter bu barada Paramount Pictures we Skydance Media studiýalaryna salgylanyp ýazýar.
Owal 2024-nji ýylyň 28-nji iýunyna meýilleşdirilen Kristofer Makkuorriniň režissýorlyk eden agent Itan Hant baradaky soňky filmi indi deslapky meýilleşdirilişi boýunça 2025-nji ýylyň 23-nji maýynda çykar. Filmiň 40%-i tamamlandy we birnäçe sebäplere görä, önümçilik wagtlaýynça togtadyldy. Birinjiden, filmiň Günorta Afrikada we Awstraliýada geçen surata düşürilişigi aktýorlar düzüminiň 19-njy iýunda bütin dünýäde ýaýradylan “Ölüm howply haklaşyk” filminiň birinji bölüminiň mahabaty kampaniýasyna gatnaşmaklary bilen bagly togtadyldy. Ikinjiden, aktýorlaryň we ýazyjylaryň iş taşlaýyşlary boldy (häzirki wagtda ssenariçiler prodýuserler bilen ylalaşdylar, ýöne aktýorlar has gowy iş şertlerini gözlemegi dowam etdirýärler).
Şol bir wagtyň özünde IndieWire neşiri filmiň täze ada eýe boljakdygyny habar berdi. Olaryň pikiriçe, onuň ikinji ýarymy aýrylar: "Ölüm howply hasaplaşyk, 2-nji bölüm." Onuň ýerini näme çalyşjaklary belli däl.
